சிறப்பு கால்நடை சுகாதார மற்றும் விழிப்புணர்வு முகாம்

கெங்கவல்லி:சேலம் மாவட்டம் ஆத்தூரை அடுத்துள்ள அழகாபுரத்தில் சிறப்பு கால்நடை சுகாதார மற்றும் விழிப்புணர்வு முகாம் ஊராட்சி மன்றத் தலைவர் கே. பி. எஸ். ராஜா தலைமையில் நடைபெற்றது. இதில் கால்நடைகளுக்கு கோமாரி நோய், தற்காலிக மலட்டுத்தன்மை நீக்கம், தடுப்பூசி, செயற்கை முறை கருவூட்டல், சினைப் பிரச்னை, குடற்புழு நீக்கம், அறுவை சிகிச்சை மற்றும் நோய் தடுப்பு முறைகள் குறித்த விழிப்புணர்வும், சிகிச்சையும் வழங்கப்பட்டன. மேலும் சிறந்த கால்நடைகளுக்கு பரிசு வழங்கப்பட்டது. நிகழ்ச்சியில் கால்நடை இணை இயக்குநர், கால்நடை மருத்துவர்கள், விவசாயிகள் உள்ளிட்டோர் கலந்து கொண்டனர்.