சிவன்மலையில் சிறப்பு கிராம சபை கூட்டம்

திருப்பூர் மாவட்டம் காங்கயம் அடுத்த சிவன்மலை ஊராட்சி மன்றம் சார்பில் நேற்று முன்தினம் சிறப்பு கிராமசபை கூட்டம்‌ நடைபெற்றது. இந்த கிராம சபைக் கூட்டத்திற்கு சிவன்மலை ஊராட்சி மன்ற தலைவர் துரைசாமி தலைமை தாங்கினார். துணைத்தலைவர் சண்முகம் முன்னிலை வகித்தார். இந்த கிராமசபை கூட்டத்தில் 100 நாட்கள்‌ வேலை திட்டம் குறித்தும் அதன் நிதிநிலை கணக்கு குறித்தும் பேசப்பட்டது. இதில் வட்டார வளர்ச்சி அலுவலர் விமலாதேவி, சிவன்மலை ஊராட்சி மன்ற உறுப்பினர் சிவக்குமார் மற்றும் கிராம சபை உறுப்பினர்கள் கலந்து கொண்டனர்.