பெரியார் மணியம்மை பல்கலைக்கழகத்தில் மாநில அளவிலான கால்பந்து மற்றும் கையுந்து பந்துப் போட்டி

தஞ்சாவூர் அருகே வல்லம், பெரியார் மணியம்மை அறிவியல் மற்றும் தொழில்நுட்ப நிறுவனம் நிகர் பல்கலைக்கழகத்தில் மாநில அளவிலான பெரியார் மணியம்மை விளையாட்டு போட்டி, பிப்.8, 9 ஆகிய நாட்களில் கால்பந்து, கைப்பந்து, கபாடி போட்டிகள் ஆண்களுக்கும், கூடைப்பந்து போட்டி பெண்களுக்கு மட்டும் நடைபெற்றது. கபாடிப் போட்டியில், திருச்சி ஜமால் முகமது கல்லூரி முதலிடத்தையும், பெரியார் மணியம்மை அறிவியல் மற்றும் தொழில்நுட்ப நிறுவனம் இரண்டாமிடத்தையும் பெற்றது. கால்பந்து போட்டியில் பெரியார் மணியம்மை அறிவியல் மற்றும் தொழில்நுட்ப நிறுவனம் முதலிடத்தையும், திருச்சி ஜமால் முகம்மது கல்லூரி இரண்டாமிடத்தையும் பிடித்தது.  கைப்பந்து போட்டியில் கும்பகோணம் அன்னை பொறியில் கல்லூரி முதலிடத்தையும், சென்னை வேல்டெக் இரண்டாமிடத்தையும் பெற்றது. பெண்களுக்கான கூடைப்பந்து போட்டியில் திண்டுக்கல் பி.எஸ்.என்.அய். கல்லூரி முதலிடத்தையும், திருச்சி ஹோலிக்ராஸ் கல்லூரி இரண்டாமிடத்தையும் பெற்றது.  இந்நிகழ்வில், நிலா புரோமோட்டர்ஸ் நடிகர் சுதாகர், நடிகர் விஜய் கணேஷ், பல்கலைக்கழக துணைவேந்தர் முனைவர் வெ.இராமச்சந்திரன், பதிவாளர் முனைர் பி.கே.ஸ்ரீவித்யா, நிதி ஆலோசகர் பழனிராஜன் ஆகியோர் கலந்துகொண்டு பரிசுகளை வழங்கினர். இப்போட்டிக்கான ஏற்பாடுகளை உடற்கல்வி துறை இயக்குனர் பேராசிரியர் ரமேஷ்  செய்திருந்தார்.