மாணவர் தற்கொலை - போலீசார் விசாரணை

திருக்கோவிலுார் அடுத்த கூவனுார் கிராமத்தைச் சேர்ந்தவர் கணேசன், 45; சென்னையில் கட்டட வேலை செய்து வருகிறார். இவரது மனைவி மாரியம்மாள், 40; கிராமத்தில் துாய்மை பணியாளர். இவர்களின் மகன் தினேஷ், 20, திருவெண்ணைநல்லுார் அரசுகல்லுாரியில் பி.ஏ., இரண்டாம் ஆண்டு படித்து வந்தார். தினேஷ் நொடிப்பு மற்றும் தலை வலியால் அவதிப்பட்டு வந்தார். நேற்று முன்தினம் காலை தலைவலி அதிகமாக இருப்பதாக தாயிடம் கூறினார். கல்லுாரிக்கு சென்றுவா மாலையில் மருத்துவமனைக்கு செல்லலாம் என, கூறினார். இந்நிலையில் மாரியம்மாள் வேலைக்கு சென்று, 11:00 மணிக்கு திரும்பி வந்தபோது தினேஷ் வீட்டில் துாக்குப்போட்டு தற்கொலை செய்து கொண்டது தெரியவந்தது. புகாரின் பேரில் திருப்பாலபந்தல் போலீசார் வழக்குப் பதிந்து விசாரித்து வருகின்றனர்.