இருசக்கர வாகனத்தில் இருந்து தவறி விழுந்த வாலிபர் பலி

மதுரை மாவட்டம், பேரையூர் அருகே உள்ள ஆண்டிப்பட்டி சேர்ந்த காளியப்பன் அப்பகுதியில் உள்ள ஓட்டல் ஒன்றில் வேலை பார்த்து வருகிறார். சம்பவத்தன்று ஓட்டல் வேலை முடித்துவிட்டு தனது இருசக்கர வாகனத்தில் சென்று கொண்டிருக்கும்போது அப்போது சாலையின் குறுக்கே திடீரென்று நாய் வந்ததால் நிலை தடுமாறி கீழே விழுந்தார்

இதில் அவருக்கு உடலில் ரத்தக்காயம் மேற்பட்டு அருகில் உள்ள அரசு ஆஸ்பத்திரியில் சிகிச்சைக்காக சேர்க்கப்பட்டார். ஆனால் அவர் சிகிச்சை பலன் இல்லாமல் உயிரிழந்தார். இதுகுறித்து பேரையூர் போலீசார் வழக்கு பதிவு செய்து விசாரித்து வருகின்றனர். மேலும் பேரையூர் பகுதியில் நாய் தொல்லை அதிகமாக இருப்பதால் நாய்களை பிடிக்க பேரூராட்சி நிர்வாகம் நடவடிக்கை எடுக்க வேண்டும் என்று கோரிக்கை விடுத்துள்ளனர்.