கருப்புக்குடிப்பட்டி கோயில் காளை உயிரியிழப்பு : பொதுமக்கள் அஞ்சலி!
பொன்னமராவதி அருகே உள்ள கருப்புக்குடிப்பட்டி கோயில் காளை உடல்நலக்குறைவால் உயிரிழந்தது. இதையடுத்து, காளையின் உடலுக்கு பொதுமக்கள் அஞ்சலி செலுத்தினர்.
Update: 2024-06-12 05:31 GMT
இறந்த காளையை ஊர்வலமாக எடுத்து செல்லும் கிராம மக்கள்
புதுக்கோட்டை மாவட்டம், பொன்னமராவதி அருகே கருப்புக்குடிப்பட்டி கிராமத்தில் கேபி கருப்பு என்றழைக்கப்படும் கோயில் காளை சுமார் 20 ஆண்டுகளுக்கு மேல் ஊர்ப் பொதுமக்களால் வளர்க்கப்பட்டு வந்தது. இந்தகாளை தமிழகத்தில் நடைபெற்ற பல்வேறு ஜல்லிக்கட்டுப்போட்டிகளில் கலந்து கொண்டுள்ளது.இந்த காளை உடல்நலக்குறைவால் உயிரிழந்தது. தகவலறிந்து வந்த கிராம மக்கள் காளையின் உடலுக்கு அஞ்சலி செலுத்தினர். அதன்பிறகு காளையின் உடல் ஊர்வலமாக எடுத்துச் செல்லப்பட்டு ஊர் எல்லைப்பகுதியில் அடக்கம் செய்யப்பட்டது.