மாணவியை பாலியல் வன்கொடுமை செய்த வாலிபனுக்கு போக்ஸோ உள்ளிட்ட 4 பிரிவுகளின் கீழ் வழக்குப்பதிவு

குமரி மாவட்டம் பூதப்பாண்டியைச் சேர்ந்த 12ம் வகுப்பு மாணவி பள்ளிக்கூடம் சென்றவர் பின்னர் வீடு திரும்பவில்லை. இதையடுத்து மகளைக் காணவில்லை என மாணவியின் பெற்றோர் காவல் நிலையத்தில்  புகார் அளித்திருந்தனர். போலீசார் வழக்கு பதிவு செய்து நடத்திய விசாரணையில், - அதே பகுதி  பிரகாஷ் (23) என்பவர் கடந்த மாதம் 19ம் தேதி பள்ளிக்கூடம் சென்று திரும்பிய மாணவியை அங்கிருந்து அழைத்து, ரயில் மூலமாக திருப்பூர் கொண்டு சென்றுள்ளார். அங்கு வீடு ஒன்றை வாடகைக்கு எடுத்து தங்க வைத்து திருமண ஆசை காட்டி சுமார் 12 நாள்கள் பாலியல் வன்கொடுமை செய்ததாக போலீஸ் விசாரணையில் தெரிய வந்தது. இந்த நிலையில் மாணவியை மீட்டு, நாகர்கோவில் மகளிர் போலீசார்  பிரகாஷ் மீது போக்ஸோ உள்ளிட்ட 4 பிரிவுகளின் கீழ் வழக்குப்பதிவு செய்துள்ளனர். தலைமறைவான பிரகாஷை போலீஸார் தேடி வருகின்றனர்.