திருட்டில் ஈடுபட்டும் குற்றவாளி கைது

திருப்பத்தூர் சுற்றுவட்டார பகுதிகளில் தொடர் திருட்டில் ஈடுப்பட்ட மர்ம நபரை தேடி வந்த நிலையில் திருப்பத்தூர் நகர போலீசார் சின்ன குளம் மாரியம்மன் கோவில் தெருவில் ரோந்து பணியில் ஈடுபட்டனர் அப்போது அந்த வழியாக வந்த நபரை பிடித்து விசாரணை மேற்கொண்டதில் முன்னுக்குப் பின் முரணாக பதில் அளித்தார். இதன் காரணமாக திருப்பத்தூர் நகர காவல் நிலையத்திற்கு அழைத்து வந்து விசாரணை மேற்கொண்டதில் ஹயாத் நகர் மற்றும் திருப்பத்தூர் சுற்றுவட்டார பகுதிகளில் 6 திருட்டு வழக்கில் ஈடுபட்டதும், இவர் வேலூர் மாவட்டம் ஒடுகத்தூர் பகுதியைச் சேர்ந்த ஆனந்தராஜ் மகன் சங்கர் வயது 64 எனவும் இவர் மீது தமிழகம் முழுவதும் உள்ள காவல் நிலையங்களில் அதிக வழக்குகளில் சம்பந்தப்பட்ட குற்றவாளி என்றும் தெரியவந்தது. இதைத் தொடர்ந்து நகர போலீசார் இவரை கைது செய்து சிறையில் அடைத்தனர் என்பது குறிப்பிடத்தக்கது.