மேயர் தலைமையில் திமுகவினர் பட்டாசு வெடித்து கொண்டாட்டம்!

தூத்துக்குடி மக்களவைத் தொகுதியில் திமுக வேட்பாளர் கனிமொழி கருணாநிதி வெற்றி பெற்றார். இந்நிலையில், தூத்துக்குடி புதிய பேருந்து நிலையம் அருகே மேயர் ஜெகன் பெரியசாமி தலைமையில் திமுக தொண்டர்கள் பட்டாசு வெடித்து கொண்டாடினர். பின்னர் மேயர் கூறும்போது, "தூத்துக்குடி பாராளுமன்ற தொகுதியில் திமுக வேட்பாளர் கனிமொழி கருணாநிதி பெருவாரியான வாக்குகள் அளித்து மிகப் பெரிய வெற்றி பெறச் செய்திட்ட மாவட்ட மக்களுக்கு என் மனமார்ந்த நன்றியினை தெரிவித்துக் கொள்கிறேன் என்றார். இதில் திமுக பகுதி செயலாளர்கள், மண்டல தலைவர்கள், வட்ட செயலாளர்கள், மாமன்ற உறுப்பினர்கள் உட்பட பலர் கலந்து கொண்டனர்.