பெண்ணிடம் தவறாக நடக்க முயன்றவர் கைது
குத்துக்கல்வலசையில் பெண்ணிடம் தவறாக நடக்க முயற்சி செய்த கொத்தனாரை போலீசார் கைது செய்து சிறையில் அடைத்தனர்.
Update: 2024-03-01 06:14 GMT
தென்காசி மாவட்டம் குத்துக்கல்வலசை பகுதியில் பெண் ஒருவர் அவருக்கு சொந்தமாக வீடு கட்டி வருகிறார். இந்நிலையில் வீடு கட்டுவதற்கு கொத்தனார் வேலை செய்யவந்த கார்த்திக் குமார் என்ற நபர் தன்னை பின்பக்கத்தில் வந்து தவறாக நடக்க முயற்சி செய்ததாக அப்பெண் காவல் நிலையத்தில் புகார் செய்தார். புகாரின் பேரில் சார்பு ஆய்வாளர் தேவிப்பிரியா விசாரணை மேற்கொண்டு பெண்ணிடம் தவறாக நடக்க முயற்சி செய்த சாம்பவர்வடகரையை சேர்ந்த பால்ராஜ் என்பவரின் மகன் கார்த்திக் குமார் (39) என்ற நபர் மீது வழக்கு பதிவு செய்து நேற்று அவரை கைது செய்து நீதிமன்ற காவலுக்கு உட்படுத்தி பின்னர் சிறையில் அடைத்தார்.