பைக் திருடிய வாலிபரை போலீசார் கைது

 கள்ளக்குறிச்சி சப் இன்ஸ்பெக்டர் விஜயராகவன் மற்றும் போலீசார், நேற்று மாலை கச்சிராயபாளையம் சாலையில் வாகன சோதனை மேற்கொண்டனர். அப்போது, அவ்வழியே ஸ்பிளண்டர் பிளஸ் பைக்கில் வந்த நபரை நிறுத்தி விசாரித்தனர். அதில், அவர் வடக்கனந்தலைச் சேர்ந்த முருகன் மகன் தினேஷ்,19; என்பதும், கள்ளக்குறிச்சியில் பல இடங்களில் பைக் திருடியது தெரிய வந்தது. அதனைத் தொடர்ந்து போலீசார் வழக்கு பதிந்து தினேஷை கைது செய்தனர். அவர் அளித்த தகவலின் பேரில் 7 பைக்குகளை பறிமுதல் செய்தனர்.