கடத்தூர் அருகே இளம்பெண் மாயம் காவல்துறையினர் விசாரணை
கடத்தூர் அருகே உள்ள பால்சிலம்பு பகுதியை சேர்ந்த சிவகுமார் என்பவரின் இரண்டாவது மகள் வீட்டில் இருந்து காணாமல் போய் உள்ளார். இதனை அடுத்து சிவக்குமார் அளித்த புகாரின் அடிப்படையில் கடத்தூர் காவல்துறையினர் விசாரணை கொண்டு வருகின்றனர்.
Update: 2024-04-10 02:48 GMT
காவல்துறை விசாரணை
தர்மபுரி மாவட்டம் பாப்பிரெட்டிப்பட்டி சட்டமன்ற தொகுதிக்கு உட்பட்ட கடத்தூர் அடுத்த பால் சிலம்பு பகுதியைச் சேர்ந்தவர் சிவக்குமார். இவரது இளைய மகள் ஜோதிகா நாமக்கல் மாவட்டம் பள்ளிபாளையம் தனியார் ஸ்பின்னிங் மில்லில் வேலை செய்தார். இந்நிலையில், பெற்றோர் அவரை ஊருக்கு அழைத்து வந்தனர். வீட்டில் இருந்தவர் கடந்த 7ம் தேதி திடீரென மாயமானார். இதையடுத்து, பல இடங்களில் தேடியும் கிடைக்கவில்லை.இதுகுறித்து சிவக்குமார் கடத்தூர் காவல் நிலையத்தில் நேற்று அளித்த புகாரின்பேரில், கடத்தூர் காவல்துறையினர் வழக்குப்பதிவு செய்து காணாமல் போன ஜோதிகாவை தேடி வருகின்றனர்.