பஞ்சமாதேவியில் கும்பாபிஷேக 3ம் ஆண்டு விழாவை முன்னிட்டு திருவிளக்கு பூஜை
பஞ்சமாதேவியில் கும்பாபிஷேக 3ம் ஆண்டு விழாவை முன்னிட்டு நடந்த திருவிளக்கு பூஜையில் ஏராளமான பெண்கள் பங்கேற்றனர்.
பஞ்சமாதேவியில் கும்பாபிஷேக 3ம் ஆண்டு விழாவை முன்னிட்டு நடந்த திருவிளக்கு பூஜையில் ஏராளமான பெண்கள் பங்கேற்றனர்.
கரூர் மாவட்டம் கரூர் ஊராட்சி ஒன்றியத்துக்கு உட்பட்ட பஞ்சமாதேவி பகுதியில் உள்ள அருள்மிகு பிரகன் நாயகி உடனாகிய அருள்மிகு பரமேஸ்வரி சுவாமி திருக்கோவில் கும்பாபிஷேக மூன்றாம் ஆண்டு விழா வெகு விமர்சையாக கொண்டாடப்பட்டது. மூன்றாம் ஆண்டு விழாவை முன்னிட்டு நேற்று இரவு அப்பகுதியைச் சேர்ந்த ஏராளமான பெண்கள் பங்கேற்ற திருவிளக்கு பூஜை நடைபெற்றது. பூஜையின் போது பெண்கள் ஊர் செழிக்கவும், தங்கள் குடும்பம் தழைக்கவும் வேண்டி வழிபட்டனர்.
இந்த பூஜைக்கான ஏற்பாட்டினை நிகழ்ச்சியின் ஒருங்கிணைப்பாளர் சிதம்பரம் செய்திருந்தார். திருவிளக்கு பூஜையின் போது, கரூர் தேவசிவ ஆகம பாடசாலை முதல்வர் முரளி சிவாச்சாரியார் வேத மந்திரங்களை முழங்கி, திருவிளக்கு பூஜை நிகழ்ச்சியை சிறப்பித்தார்.