TNPL கேட் முன்பு டூவீலர்கள் நேருக்கு நேர் மோதல். ஒருவர் படுகாயம்.

TNPL கேட் முன்பு டூவீலர்கள் நேருக்கு நேர் மோதல். ஒருவர் படுகாயம். கரூர் மாவட்டம், புகலூர் தாலுகா, வேலாயுதம்பாளையம் அருகே மாரியம்மன் கோவில் தெருவை சேர்ந்தவர் பிரபாகரன் வயது 34. இவர் நவம்பர் 1-ம் தேதி மாலை 6 மணி அளவில், புன்னம் சத்திரத்தில் இருந்து வேலாயுதம்பாளையம் செல்லும் சாலையில் அவரது டூவீலரில் சென்று கொண்டு இருந்தார். அப்போது வாகனத்தை வேகமாக இயக்கியதால், இவரது வாகனம் அப்பகுதியில் உள்ள தமிழ்நாடு செய்தித்தாள் நிறுவனம் டிஎன்பிஎல் கேட் நம்பர் 1- முன்பு சென்றபோது,எதிர் திசையில் டூவீலரில் வந்த சிவனடியார் வாகனத்தின் மீது மோதி விபத்து ஏற்பட்டது. இந்த விபத்தில் வாகனத்துடன் கீழே விழுந்த பிரபாகரனுக்கு தலையில் பலத்த காயம் ஏற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் மதுரை ராஜாஜி மருத்துவமனையில் சிகிச்சைக்காக அனுமதித்தனர். சம்பவம் அறிந்த பிரபாகரன் தாயார் ராணி வயது 54 என்பவர் அளித்த புகாரில், சம்பவ இடத்திற்கு சென்று விசாரண மேற்கொண்ட காவல்துறையினர், இது தொடர்பாக டூவீலரை அஜாக்கிரதையாக ஓட்டி, விபத்து ஏற்பட காரணமான பிரபாகரன் மீது வழக்கு பதிவு செய்துள்ளனர் வேலாயுதம்பாளையம் காவல்துறையினர்