வாகனம் மோதி லாரி டிரைவர் பலி

சின்னசேலம் அருகே சாலையைக் கடக்க முயன்ற கர்நாடகா மாநில லாரி டிரைவர் அடையாளம் தெரியாத வாகனம் மோதி இறந்தார். கர்நாடகா மாநிலம், ஹாசன் மாவட்டம், கரிகோடனபள்ளி கிராமத்தைச் சேர்ந்தவர் சதிஷ், 42; லாரி டிரைவர். இவர் நேற்று முன்தினம் லாரியில் ஊதுவத்தி தயார் செய்யும் மூலப் பொருட்களை ஏற்றிக் கொண்டு சின்னசேலம் வந்துள்ளார். இரவு, 9.15 மணியளவில் சின்னசேலம் புறவழிச்சாலையில் உள்ள ஒரு ஓட்டலில் சாப்பிட்டு விட்டு சாலையைக் கடந்தார். அப்போது அவ்வழியாக சென்ற அடையாளம் தெரியாத வாகனம் சதிஷ் மீது மோதி விட்டு நிற்காமல் சென்றது. படுகாயமடைந்த சதிஷ் சம்பவ இடத்திலேயே இறந்தார்.