வனத்துறையினரிடம் தகராறு செய்த இரண்டு பேர் கைது

சேலம் மாவட்டம் ஏற்காடு வடக்கு வனவர் ராஜேஷ்குமார் மற்றும் வனக்காப்பாளர் லட்சுமிகாந்த் ஆகியோர் ஏற்காடு அரங்கம் கிராமம் அருகில் உள்ள வனப்பகுதியில் இரவு ரோந்து பணியில் ஈடுபட்டனர். அப்போது அரங்கம் கிராமத்தை சேர்ந்த அருணாசலம் (வயது43) வனப்பகுதியில் ஆட்டுக்கால் கிழங்கு தோண்டி எடுத்துக் கொண்டு செல்லும் போது அவருக்கு ரூ.30 ஆயிரம் அபராதம் விதித்தனர். இதனால் அவரும் அதே கிராமத்தை சேர்ந்த கரியமலை (58) என்பவரும் சேர்ந்து வனத்துறையினரிடம் தகராறு செய்ததாக தெரிகிறது. இது குறித்து வனவர் ராஜேஷ்குமார் ஏற்காடு போலீஸ் நிலையத்தில் புகார் அளித்தார். அதன்பேரில் போலீசார் வழக்குப்பதிவு செய்து அருணாசலம் மற்றும் கரியமலை ஆகிய இருவரையும் கைது செய்து சிறையில் அடைத்தனர்.