டூவீலர் - லாரி நேருக்கு நேர் மோதல் : இளைஞர் படுகாயம்.

 தேனி மாவட்டம், ஸ்ரீராம் நகர் பகுதியைச் சேர்ந்தவர் பிரணவ் குமார் வயது 27. இவர் ஏப்ரல் 29ஆம் தேதி காலை 6:30 மணி அளவில், கரூர் - திண்டுக்கல் சாலையில் அவரது டூவீலரில் சென்று கொண்டு இருந்தார். இவரது வாகனம் கரூர் மாவட்டம், அரவக்குறிச்சி காவல் எல்லைக்குட்பட்ட, தடா கோவில் - அரவக்குறிச்சி பிரிவு சாலை அருகே வந்தபோது, எதிர் திசையில் வேகமாக வந்த கேரள மாநிலம், கொல்லம், கொட்டக்கார, சர்விலாபுதன் வீடு பகுதியைச் சேர்ந்த சால்வின் ஷாம் வயது 24 என்று இளைஞர் ஓட்டி வந்த டாரஸ் லாரி, பிரணவ்குமார் ஓட்டி வந்த டூவீலர் மீது நேருக்கு நேர் மோதி விபத்து ஏற்பட்டது.

இந்த விபத்தில் வாகனத்துடன் கீழே விழுந்த பிரணவ் குமாருக்கு, வலது காலில் பலத்த காயம் ஏற்பட்டது. உடனடியாக அவரை மீட்டு, தனியார் ஆம்புலன்ஸ் மூலம் கரூர் அமராவதி மருத்துவமனையில் சிகிச்சைக்காக அனுமதிக்கப்பட்டார். இந்த சம்பவம் ண தொடர்பாக பிரணவ்குமார் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், இது தொடர்பாக வேகமாகவும், கவனக்குறைவாகவும் லாரியை ஒட்டி விபத்து ஏற்படுத்திய சால்வின் ஷாம் மீது வழக்கு பதிவு செய்துள்ளனர் அரவக்குறிச்சி காவல்துறையினர்.