இருசக்கர வாகனத்தை திருடியவர் கைது

திருப்பூர் நெசவாளர் காலனி பகுதியை சேர்ந்தவர் பிரியங்கா (38). இவர் அனுப்பர்பாளையம் பகுதியில் தனது இருசக்கர வாகனத்தை நிறுத்தி விட்டு பேருந்தில் அவிநாசி சென்றுள்ளார். திரும்பி வந்து பார்த்தபோது இருசக்கர வாகனம் காணவில்லை. இதுகுறித்து அனுப்பர்பாளையம் காவல் நிலையத்தில் புகார் அளித்தார். புகாரின் அடிப்படையில் போலீசார் வழக்கு பதிவு செய்து விசாரணை மேற்கொண்டனர். வாகனம் திருடப்பட்ட பகுதியில் உள்ள கண்காணிப்பு கேமரா பதிவுகளை கைப்பற்றி விசாரணை மேற்கொண்டதில் சாமுண்டிபுரம் பகுதியைச் சேர்ந்த மோகன்ராஜ் (48)என்பவர் திருட்டு சம்பவத்தில் ஈடுபட்டது தெரியவந்தது. மோகன்ராஜை கைது செய்த அனுப்பர்பாளையம் போலீசார் அவரிடமிருந்த இரு சக்கர வாகனத்தையும் மீட்டனர்.