மண்ணச்சநல்லூர் கடைவீதியில் மயங்கிக் கிடந்த அடையாளம் தெரியாத மூதாட்டி உயிரிழப்பு

திருச்சி மாவட்டம் மண்ணச்சநல்லூர் கடை வீதியில் உள்ள பஸ் நிறுத்தத்தில் கடந்த சில நாட்களுக்கு முன் 70 வயது மதிக்கத்தக்க அடையாளம் தெரியாத மூதாட்டி ஒருவர் மயங்கி கிடப்பதாக மண்ணச்சநல்லூர் போலீசாருக்கு தகவல் கிடைத்தது.தகவலின் பேரில் போலீசார் அங்கு சென்று, அவரை மீட்டு 108 ஆம்புலன்ஸ் மூலம் சிகிச்சைக்காக மண்ணச்சநல்லூர் அரசு மருத்துவமனைக்கு அனுப்பி வைத்தனர். பின்னர் மேல் சிகிச்சைக்காக திருச்சி அரசு மருத்துவமனையில் அனுமதித்தனர். அங்கு தொடர் சிகிச்சை பெற்று வந்த நிலையில் சிகிச்சை பலனின்றி நேற்று பரிதாபமாக உயிரிழந்தார். இது குறித்து மண்ணச்சநல்லூர் போலீசார் வழக்குப்பதிந்து அந்த மூதாட்டி யார்? எந்த ஊரைச் சேர்ந்தவர்? எதற்காக இங்கு வந்தார் என்பது குறித்து விசாரணை செய்து வருகின்றனர்.