அடையாளம் தெரியாத முதியவர் சடலமாக மீட்பு

திருச்சி மாவட்டம், முசிறி அருகே சந்தப்பாளையம் காவிரி ஆற்று பகுதியில் 70 வயது மதிக்கத்தக்க அடையாளம் தெரியாத முதியவர் எந்த காயங்களும் இன்றி சடலமாக கிடப்பதாக முசிறி மேற்கு கிராம நிர்வாக அலுவலர் பாண்டியனுக்கு பொதுமக்கள் மூலம் தகவல் கிடைத்தது. தகவல் அறிந்த கிராம நிர்வாக அலுவலர் சம்பவ இடத்திற்கு சென்று சடலமாக கிடந்த முதியவர் குறித்து விசாரணை செய்தார்.

ஆனால் அவர் யார், எந்த ஊரை சேர்ந்தவர் என அடையாளம் தெரியவில்லை. இது குறித்து முசிறி காவல் நிலையத்திற்கு கிராம நிர்வாக அலுவலர் தகவல் கொடுத்தார். தகவலறிந்த முசிறி போலீசார் சம்பவ இடத்திற்க்கு விரைந்து சென்று உடலை கைப்பற்றி உடற்கூறு ஆய்விற்க்காக முசிறி அரசு மருத்துவமனைக்கு அனுப்பி வைத்தனர்.

பின்னர் கிராம நிர்வாக அலுவலர் பாண்டியன் கொடுத்த புகாரின் பேரில் முசிறி போலீசார் வழக்கு பதிவு செய்து விசாரணை செய்து வருகின்றனர்.இறந்த முதியவர் யார், எந்த ஊரைச் சேர்ந்தவர்,எப்படி இறந்தார் என பல்வேறு கோணங்களில் விசாரணை செய்து வருகின்றனர்.