கன்னியாகுமரி மக்களவைத் தொகுதியில் விஜய்வசந்த் மீண்டும் வெற்றி 

கன்னியாகுமரி மக்களவைத் தொகுதி பொது தேர்தலில் காங்கிரஸ் கட்சி சார்பில் விஜய் வசந்த், பாரதிய ஜனதா சார்பில் பொன். ராதாகிருஷ்ணன், அதிமுக சார்பில் பசிலியான் நசரேத், நாம் தமிழர் கட்சி சார்பில் மரியஜெனிபர் உட்பட 22 வேட்பாளர்கள் போட்டியிட்டனர். வாக்குப்பதிவு கடந்த ஏப்ரல் மாதம் 19ஆம் தேதி நடைபெற்றது. மொத்தம் 10 லட்சத்து 19 ஆயிரத்து 532 வாக்குகள் பதிவாகின.       

வாக்கு எண்ணிக்கை நேற்று காலை எட்டு மணி முதல் நடைபெற்றன. இதில் 23 சுற்றுகள் வாக்குகள் எண்ணப்பட்டன. வாக்கு எண்ணிக்கை நிறைவில் காங்கிரஸ் வேட்பாளர் விஜய் வசந்த் 5 லட்சத்து 46 ஆயிரத்து 248 வாக்குகள் பெற்று, ஒரு லட்சத்து 79 ஆயிரத்து 907 வாக்குகள்  வித்தியாசத்தில் வெற்றி பெற்றார். பாரதிய ஜனதா வேட்பாளர் பொன் ராதாகிருஷ்ணன் 3 லட்சத்து 66 ஆயிரத்து 341 வாக்குகளும், அதிமுக வேட்பாளர் பசிலியான்  41 ,393 வாக்குகளும், நாம் தமிழர் கட்சி வேட்பாளர் 52 ஆயிரத்து 677 வாக்குகளும்  பெற்றிருந்தனர்.  தொடர்ந்து வெற்றி பெற்ற காங்கிரஸ் வேட்பாளர் விஜய் வசந்துக்கு மாவட்ட கலெக்டர் ஸ்ரீதர் வெற்றி சான்றிதழ் வழங்கினார். நிகழ்ச்சியில் அமைச்சர் மனோ தங்கராஜ், எம்எல்ஏ - க்கள் பிரின்ஸ் , ராஜேஷ்குமார், மேயர் மகேஷ் கலந்து கொண்டனர்.