விழுப்புரத்தில் ஆடு மேய்ந்த தகராறில், தொழிலாளி மீது கொலை வெறி தாக்குதல்

விழுப்புரம் வழுதரெட்டி பெருமாள் கோவில் தெருவை சேர்ந்தவர் தனபால் மகன் முருகன்(44) இவர், வளர்த்து வரும் ஆடு, இவரது பக்கத்து தெருவை சேர்ந்த முருகன் மகன் மகேந்திரன்(31) என்பவரது வீட்டில் இருந்த பூஞ்செடிகளை மேய்ந்துள்ளது. இதனால், மகேந்திரன், ஆட்டை வெட்டிவிடுவேன் என திட்டியுள்ளார். இதனால், நேற்று முன்தினம் இரவு முருகன், மகேந்திரன் ஆகியோருக்கு இடையே வாய்த்தகராறு ஏற்பட்டுள்ளது. அப்போது, ஆத்திரமடைந்த மகேந்திரன், கொலை வெறியுடன், முருகனை தாக்கியுள்ளார். அதில் மயங்கி விழுந்த முருகன் அரசு மருத்துவமனையில் அனுமதிக்கப்பட்டார். இது குறித்த புகாரின் பேரில், விழுப்புரம் தாலுகா போலீசார் வழக்கு பதிந்து, மகேந்திரனை கைது செய்தனர்.