வைஸ்ய ஒலிம்பிக்ஸ் 2023

திருவண்ணாமலை வைஸ்யா ஒலிம்பிக் 2023 வரும் டிசம்பர் 30,31 தேதிகளில் வெகு சிறப்பாக நடைபெற உள்ளது. எழுச்சியை ஏற்படுத்த வைஸ்ய ஒலிம்பிக்ஸ் ரதமும் ஸ்ரீகன்னிகாபரமேஸ்வரி அம்மன் குலதெய்வ உற்சவ மூர்த்தியும் இன்று மதியம் 12.30 மணிக்கு திருவண்ணாமலை மாவட்டம் சேத்துப்பட்டுக்கு வந்து சேர்ந்தது. கன்னிகா பரமேஸ்வரி அம்மன் திருக்கோயிலில் அந்த ரதம் நிலை நிறுத்தப்பட்டது. இன்று மதியம் 1 மணி அளவில் அந்த ரத்தத்தில் வீற்றிருக்கும் உற்ச்சவமூர்த்தி அம்மனுக்கு கற்பூர ஆரத்தி ஆராதனைகள் செய்யப்பட்டன. ஒலிம்பிக் ஜோதியும் திருக்கோவிலுக்குள் எடுத்துச் செல்லப்பட்டு அம்மனின் முன்னிலையில் தீபாராதனை நடைபெற்றது. மேலும் நான்கு முனை சந்திப்பு பஜார் வழியாக பழம்பேட்டை ஸ்ரீ வாசவி மஹாலுக்கு சென்றது. நகர ஆர்ய வைஸ்யர்கள் கலந்து கொண்டு ஒலிம்பிக்ஸ் ரதத்தை வழி அனுப்பி வைத்தனர்.