கதனநகரம் குளம் சீரமைக்கப்படுமா? - கிராம மக்கள் கோரிக்கை

ஆர்.கே.பேட்டை ஒன்றியம், கதனநகரம் ஊராட்சியின் மேற்கில் ஆந்திர மாநில மலைத்தொடர் அமைந்துள்ளது. இந்த மலைத்தொடர், சிறந்த நீர்பிடிப்பு பகுதியாக உள்ளதால், கதனநகரம் ஊராட்சிக்கு நீர்வரத்து சிறப்பாக அமைந்துள்ளது. கதனநகரம் ஊராட்சி மன்ற அலுவலகம் எதிரே கிராம குளம் உள்ளது.

இந்த குளத்தின் கரையில் படிகள் சரிந்து கிடக்கின்றன. அதையொட்டிய குடியிருப்புகளில் வசிப்பவர்கள், குளக்கரை வழியாக நடந்து செல்ல முடியாத நிலை ஏற்பட்டுள்ளது. குளம் பொலிவிழந்து சீரழிந்து வருகிறது. கிடைக்கும் நீர்வளத்தை சீராக பராமரிக்க ஏதுவாக குளத்தை சீரமைக்க வேண்டும் என பகுதிவாசிகள் எதிர்பார்க்கின்றனர். குளத்தை துார் வாரி, கரையில் சுற்றுச்சுவர் அமைக்க வேண்டும் என கோரிக்கை விடுத்துஉள்ளனர்.