ஏற்காட்டில் இளம்பெண்ணை கொன்று பிணம் வீச்சு

சேலம் மாவட்டம், ஏற்காடு மலைப்பாதையில் 40 அடி பாலம் அருகே கடந்த சில நாட்களுக்கு முன்பு இளம்பெண் ஒருவர் கொலை செய்யப்பட்டு உடல் சூட்கேசில் அடைக்கப்பட்டு வீசப்பட்டது. இதுகுறித்து ஏற்காடு போலீசார் வழக்குப்பதிவு செய்து விசாரணை நடத்தி வருகின்றனர்.

குறிப்பாக கொலையுண்ட அந்த பெண்ணின் முகம் உள்ளிட்ட பாகங்கள் மிகவும் அழுகிய நிலையில் இருந்தது. இதனால் அந்த இளம்பெண் யார்? என்று அடையாளம் காணுவதற்கு போலீசார் சிரமம் அடைந்து வருகின்றனர். மேலும் அந்த பெண்ணை ஏற்காட்டுக்கு மர்ம நபர்கள் அழைத்து வந்து பலாத்காரம் செய்து பின்னர் தலையில் தாக்கி கொன்று உடலை சூட்கேசில் அடைத்து வீசியிருக்கலாம் என்று போலீசார் சந்தேகின்றனர்.

அதன் அடிப்படையிலும் போலீசார் விசாரித்து வருகின்றனர். இதனிடையே கொலையாளிகளை விரைவில் பிடிக்கவும், கொலையுண்ட பெண் யார்? என்று கண்டறியவும் 5 தனிப்படைகள் அமைக்கப்பட்டுள்ளனர். இந்த தனிப்படையினர் கோவை மற்றும் பெங்களூரு, ஆந்திரா உள்ளிட்ட இடங்களுக்கு சென்று தீவிர விசாரணை நடத்தி வருகின்றனர்.