இருசக்கர வாகனத்தை திருடிய வாலிபர் கைது.

கன்னியாகுமரி மாவட்டம் காப்புக்காடு மாராயபுரம் பகுதியைச் சேர்ந்தவர் ராஜ்குமார் (26). இவர் கடந்த 26-ந்தேதி மார்த்தாண்டம் நேசமணி கல்லூரியின் எதிர்ப்புறம் சாலையில் வைத்துவிட்டு வேலைக்கு சென்று உள்ளார், திரும்பி வந்து பார்த்தபோது இருசக்கர வாகனத்தை யாரோ திருடி சென்றுள்ளனர். இதுகுறித்து ராஜ்குமார் கொடுத்த புகாரின் பேரில் போலீசார் வழக்கு பதிவு செய்து விசாரணை நடத்தி வந்தனர்.இதையடுத்து அப்பகுதியில் உள்ள சிசிடிவி காட்சிகளை ஆய்வு செய்த போது வீயன்னூர் பகுதியைச் சேர்ந்த மனோஜ் (25), என்பது தெரிய வந்தது. இதை அடுத்து போலீசார் மனோஜை கைது  செய்தனர்.  மேலும் அவரிடம் விசாரணை நடத்தி வருகின்றனர்.