புதுக்கடை அருகே தொழிலாளி தூக்கு போட்டு தற்கொலை
கன்னியாகுமரி மாவட்டம்,புதுக்கடையை சேர்ந்த இளைஞர் கடன் தொல்லையால் தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது.
Update: 2024-01-28 11:23 GMT
குமரி மாவட்டம், புதுக்கடை அருகே உள்ள முஞ்சிறை அள்ளம் பகுதியை சேர்ந்தவர் ராமச்சந்திரன் மகன் சுஜின் (34). தொழிலாளியான இவருக்கு மது குடிக்கும் பழக்கம் இருந்துள்ளது. வேலைக்கு சரிவர செல்லாமல் கடன் வாங்கி மது குடித்ததாகவும், இதனால் கடன் பிரச்சனையால் அவர் சிக்கி தவித்துள்ளதாகவும் தெரிகிறது.
கடன் பிரச்சனை அதிகமானதால் சாகப் போகிறேன் என்று அடிக்கடி கூறி வந்தார். இந்த நிலையில் நேற்று முன்தினம் மாலை அவரது வீட்டில் உள்ள அறையில் சுஜின் தூக்குப்போட்டு தற்கொலை செய்து கொண்டார். இது குறித்து புதுக்கடை போலீசில் புகார் செய்யப்பட்டது. புகாரின் பேரில் போலீசார் வழக்கு பதிவு செய்து சுஜின் தற்கொலைக்கான காரணம் குறித்து விசாரணை நடத்தி வருகிறார்கள்.