இளைஞர் தவறவிட்ட லேப்டாப்: மீட்டு கொடுத்த ஆட்டோ டிரைவர்

தஞ்சாவூர், இ.பி., காலனி பகுதியை சேர்ந்த மணிகண்டன்,25, மீன் விற்பனை தொழிலில் பங்குதாராக உள்ளார். இந்நிலையில் ஞாயிற்றுக்கிழமை இரவு, தனது லேப்டாப்பை தவற விட்டார். அப்போது அவ்வழியாக சென்ற ஆட்டோ டிரைவர் சிவா அந்த லேப்டாப்பை எடுத்து, கிழக்கு போலீஸ் இன்ஸ்பெக்டர் சுதாவிடம் ஒப்படைத்தார். இதற்கிடையில் திங்கள்கிழமை காலை மணிகண்டன் கிழக்கு போலீசில் லேப்டாப் குறித்து புகார் அளித்தார். தொடர்ந்து விசாரணை நடத்திய இன்ஸ்பெக்டர், ஆட்டோ டிரைவர் வழங்கிய லேப்டாப் மணிகண்டனுடையது என்பது தெரியவந்தது. இதை தொடர்ந்து ஆட்டோ டிரைவர் சிவாவை, கிழக்கு போலீஸ் ஸ்டேஷனுக்கு வரவழைத்து, அவரது முன்னிலையில் மணிகண்டனிடம்  லேப்டாப்பை, இன்ஸ்பெக்டர் சுதா ஒப்படைத்தார். அப்போது, ஆட்டோ டிரைவர் சிவாவை போலீசார் மற்றும் சக ஆட்டோ டிரைவர்கள் பாராட்டினார். மணிகண்டன் தனது லேப்டாப்பை மீட்டுக்கொடுத்த ஆட்டோ டிரைவர் சிவாவுக்கு நன்றி தெரிவித்தார்.