பிரபல யூடியூபர் டிடி எஃப் வாசன் கடைக்கு நோட்டீஸ்.

இருசக்கர வாகன சாகசங்கள் மூலம் பிரபலமாகி விபத்தில் சிக்கி சிறைக்கு சென்று திரும்பிய பிரபல யூடியூபர் டிடி எஃப் வாசன் அயப்பாக்கத்தில் இருச்சக்கர வாகன உதிரிபாகங்கள் விற்பனையகம் நடத்தி வருகிறார். இந்த நிலையில் அவரது கடையில் அதிக சத்தம் எழுப்பக்கூடிய சைலென்ஸர்கள் விற்பனை செய்யப்படுவதாகவும், இதனால் சாலைகளில் வாகன நெரிசல் ஏற்பட்டு போக்குவரத்து இடையூறு ஏற்படுவதாகவும் பிரதமர் அலுவலகத்தில் புகார் அளிக்கப்பட்டது.

அதன் அடிப்படையில் ஆவடி காவல் ஆணையரக உத்தரவின் பேரில் அம்பத்தூர் போக்குவரத்து காவல் துறை ஆய்வாளர் ஜி பரந்தாமன் தலைமையில் அம்பத்தூர் அடுத்த அயப்பாக்கத்தில் உள்ள டிடி எஃப் வாசன் கடைக்கு சென்று ஆய்வு செய்தனர். அங்கு விலையுயர்ந்த சைலென்ஸர் விற்பனை செய்யப்பட்டது தெரியவந்தது. உடனடியாக போக்குவரத்துக்கு இடையூறாக நிறுத்தி வைக்கப்பட்டிருந்த வாகனங்களை அப்புறப்படுத்தியதுடன் அதிக சத்தம் எழுப்பக்கூடிய சைலென்ஸர்களை விற்பனை தடை விதித்து போக்குவரத்து காவல் துறையினர் நோட்டிஸ் அளித்துள்ளனர்.