குமரமங்கலம் அரசு பள்ளிக்கு கூடுதல் கட்டிடப்பணி

திருச்செங்கோடு தொகுதி, எலச்சிப்பாளையம் மேற்கு ஒன்றியம், குமரமங்கலம் அரசு உயர்நிலைப் பள்ளிக்கு ரூ.98 லட்சம் மதிப்பீட்டில் கட்டிடம் கட்டும் பணிகளுக்கு பூமி பூஜை நடைபெற்றது. இந்நிகழ்வில் கொங்குநாடு மக்கள் தேசிய கட்சி பொதுச் செயலாளரும் , திருச்செங்கோடு சட்டமன்ற உறுப்பினருமான ஈ.ஆர்.ஈஸ்வரன், நாமக்கல் மேற்கு மாவட்ட திமுக செயலாளர் எஸ்.எம்.மதுரா செந்தில் ஆகியோர் கலந்து கொண்டு பணிகளை தொடக்கி வைத்தனர். இந்நிகழ்வில் ஒன்றிய கழக செயலாளர் செல்வராஜ், மாவட்ட விவசாய அணி துணைத்தலைவர் சேரன் சக்திவேல் , உள்ளாட்சி பிரதிநிதிகள்,கழக, சார்பு அணி நிர்வாகிகள், பெற்றோர் ஆசிரியர் சங்க நிர்வாகிகள், பொதுமக்கள் என பலரும் கலந்து கொண்டனர்.