கூட்டுறவு விற்பனை சங்கம் சார்பில் ரத்த தான முகாம்

திருவண்ணாமலையில் வேளாண்மை உற்பத்தியாளர் கூட்டுறவு விற்பனை சங்க லிமிடெட் சார்பில் ரத்த தான முகாம். திருவண்ணாமலை:- திருவண்ணாமலையில் வேளாண்மை உற்பத்தியாளர் கூட்டுறவு விற்பனை சங்கம் லிமிடெட் சார்பில் நடைபெற்ற ரத்ததான முகாமை மண்டல இணைப்பதிவாளர் கோ. நடராஜன் துவக்கி வைத்தார்.

திருவண்ணாமலை, செங்கம், போளூர் ஆகிய வேளாண்மை உற்பத்தியாளர் கூட்டுறவு விற்பனை சங்கம் லிமிடெட் சார்பில் 70-வது அனைத்திந்திய கூட்டுறவு வார விழாவை முன்னிட்டு ரத்ததான முகாம் வேங்கிக்கால் ஊராட்சியில் உள்ள வேளாண்மை உற்பத்தியாளர் கூட்டுறவு விற்பனை சங்க அலுவலக கட்டிடத்தில் நடைபெற்றது. இந்நிகழ்ச்சிக்கு மாவட்ட மத்திய கூட்டுறவு வங்கி இணைப்பதிவாளர் மற்றும் செயல் அலுவலர் செயல் ஆட்சியர் கா. ஜெயம் தலைமை தாங்கினார்.

மாவட்ட கூட்டுறவு ஒன்றிய செயல் அலுவலர் சி. சுரேஷ்குமார், துணை பதிவாளர்கள் பா. ராஜசேகரன், சித்ரா ஆகியோர் முன்னிலை வகித்தனர். சங்க செயல் ஆட்சியர் இரா தீபன் சக்கரவர்த்தி அனைவரையும் வரவேற்றார். இம்மு முகாமில் கூட்டுறவு சங்க பணியாளர்கள் பொதுமக்கள் ரத்த தானம் செய்தனர். இம்முகாமில் சார் பதிவாளர்கள் சி. மீனாட்சிசுந்தரம் மற்றும் கூட்டுறவுத் துறை அலுவலர்கள்,

பணியாளர்கள் கலந்து கொண்டனர். ரத்ததான முகாமிற்கான ஏற்பாடுகளை திருவண்ணாமலை மருத்துவக் கல்லூரி மருத்துவமனை மருத்துவ அலுவலர்கள் டாக்டர் வி. பவித்ரா, டி. லிங்சி தலைமையிலான மருத்துவ குழுவினர் பணியில் ஈடுபட்டனர்