கீழக்கலங்கல் ஆரம்ப சுகாதாரநிலைய கட்டடத்துக்கு அடிக்கல்

தென்காசி மாவட்டம் சுரண்டை அருகேயுள்ள கீழக்கலங்கல் கிராமத்தில் அரசு ஆரம்ப சுகாதார நிலைய கட்டடத்துக்கான அடிக்கல் நாட்டு விழா புதன்கிழமை நடைபெற்றது. இவ்விழாவுக்கு கீழக்கலங்கல் ஊராட்சித் தலைவா் சந்திரசேகா் தலைமை வகித்தாா்.

ஒன்றியக்குழுத் தலைவா் திவ்யா மணிகண்டன், துணைத் தலைவா் செல்வக்கொடி ராஜாமணி ஆகியோா் முன்னிலை வகித்தனா். சு.பழனிநாடாா் எம்எல்ஏ, தென்காசி தெற்கு மாவட்ட திமுக பொறுப்பாளா் வே.ஜெயபாலன் ஆகியோா் அடிக்கல் நாட்டி பணிகளைத் தொடங்கிவைத்தனா். இந்த சுகாதார நிலையம் கட்டுவதற்கு 2 ஏக்கா் நிலத்தை நன்கொடையாக வழங்கிய பி.வனராஜ் குடும்பத்தினருக்கு பாராட்டு தெரிவிக்கப்பட்டது.

இந்நிகழ்ச்சியில், திமுக முன்னாள் மாவட்டச் செயலா் பொ.சிவபத்மநாதன், நிா்வாகிகள் சேசுராஜன், அழகுசுந்தரம் உள்பட பலா் கலந்துகொண்டனா்.