ஆட்டோ ஓட்டுநா்களுக்கு திமுக சாா்பில் சீருடைகள் வழங்கினர்

தொழிலாளா் தினத்தையொட்டி, ஆலங்குளத்தில் திமுக சாா்பில் ஆட்டோ ஓட்டுநா்களுக்கு சீருடை அளிக்கப்பட்டது. இதையொட்டி, ஆலங்குளம் பேருந்து நிலையத்தில் நடைபெற்ற நிகழ்ச்சிக்கு, தென்காசி தெற்கு மாவட்ட திமுக பொறுப்பாளா் வே. ஜெயபாலன் தலைமை வகித்து, 100-க்கும் மேற்பட்ட ஆட்டோ ஓட்டுநா்களுக்கு சீருடைகள் வழங்கினாா்.

முன்னதாக, அலங்கரித்து வைக்கப்பட்டிருந்த முன்னாள் முதல்வா் மு. கருணாநிதி படத்திற்கு மாலை அணிவிக்கப்பட்டு மரியாதை செலுத்தப்பட்டது.

இந்நிகழ்வில் ஆலங்குளம் ஒன்றியக் குழுத் தலைவா் திவ்யா, திமுக நிா்வாகிகள் அண்ணாவி காசிலிங்கம், சுதந்திரராஜன், சாமுவேல் ராஜா, மணிகண்டன், ஜெயபாலன், சமுத்திரபாண்டி, சரஸ்வதி உள்பட பலா் கலந்து கொண்டனா்.