சிறப்பு முகாமிலிருந்து இலங்கை அகதி தப்பினாா்

திருச்சி மத்திய சிறை வளாகத்திலுள்ள அகதிகள் சிறப்பு முகாமில், பல்வேறு வழக்குகளில் சிக்கிய வெளிநாடுகளைச் சோ்ந்த நூற்றுக்கும் மேற்பட்டோா் அடைக்கப் பட்டுள்ளனா். இதில், இலங்கையைச் சோ்ந்த அப்துல் ரியாஸ்கான் என்பவா் திங்கள்கிழமை காலை தனது அறையிலிருந்த ஜன்னல் கம்பியை வளைத்து உடைத்து தப்பியோடி விட்டதாக கூறப்படுகிறது. இவா் மீது பல்வேறு மாவட்டங்களில் மொத்தம் 17 வழக்குகள் நிலுவையில் உள்ளது. பல்கேரியா நாட்டைச் சோ்ந்த லிலியானா டிராக்கோவ் (55) என்பவா், பண மோசடியில் ஈடுபட்டதாக, சென்னை பெருநகர குற்றப்பிரிவு போலீசாரால் கைது செய்யப்பட்டு, திருச்சி சிறப்பு முகாமில் அடைக்கப்பட்டிருந்தாா். 2019-இல் தப்பிச் சென்ற அவா் இதுவரையில் சிக்கவில்லை. இந்நிலையில், மேலும் ஒருவா் தப்பியோடிய நிகழ்வு திருச்சி சிறைத்துறை வட்டாரத்தில் பரபரப்பை ஏற்படுத்தி உள்ளது. தப்பிச் சென்ற நபரை பிடிக்க மாநகர போலீஸாா் சாா்பில் இரு தனிப்படைகள் அமைக்கப்பட்டுள்ளன.