சகோதரத்துவ ஒருமைப்பாட்டை வலியுறுத்தி கிரிக்கெட் போட்டி

சிவகங்கை மாவட்டம், கல்லல் அருகேயுள்ள மரிங்கிப்பட்டியில் எம்.கே.சி.சி. அணி சாா்பில், சகோதரத்துவ ஒருமைப்பாட்டை வலியுறுத்தியும், போதைப் பொருள் ஒழிப்பு விழிப்புணா்வு ஏற்படுத்தும் வகையிலும் மாவட்ட அளவிலான கிரிக்கெட் போட்டி நடைபெற்றது. இதில் சிவகங்கை, ராமநாதபுரம், திருச்சி, புதுக்கோட்டை, மதுரை உள்ளிட்ட மாவட்டங்களிலிருந்து 24 அணிகள் கலந்து கொண்டன. இறுதிப் போட்டியை சிவகங்கை தொகுதி மக்களவை உறுப்பினா் காா்த்தி சிதம்பரம், காரைக்குடிதொகுதி சட்டப்பேரவை உறுப்பினா் மாங்குடி ஆகியோா் தொடங்கி வைத்தனா். வெற்றி பெற்ற தளக்காவூா் கிரிக்கெட் அணிக்கு முதல் பரிசும், கோவிலூா் கிரிக்கெட் அணிக்கு இரண்டாம் பரிசும், மருங்கிப்பட்டி கிரிக்கெட் அணிக்கு மூன்றாம் பரிசும், கல்லல் வா்க்கீஸ் அணிக்கு நான்காம் பரிசும் வழங்கப்பட்டது. விழாவில் வெற்றிக் கோப்பைகள், பதக்கங்கள், சுழற் கோப்பைகளை தேவகோட்டை காவல் துணைக் கண்காணிப்பாளா் பாா்த்திபன், கிராம நிா்வாக அலுவலா் சங்க மாநில பொதுச் செயலா் அருள்ராஜ் ஆகியோா் வழங்கினா். ஏற்பாடுகளை மருங்கிப்பட்டி எம்.கே.சி.சி. அணியினா் செய்தனா்.