தாந்தோணி மலையில் விசிக சார்பில் சிறப்பு மாவட்ட செயற்குழு கூட்டம் நடைபெற்றது.

தாந்தோணி மலையில் விடுதலை சிறுத்தைகள் கட்சி சார்பில் சிறப்பு மாவட்ட செயற்குழு கூட்டம் நடைபெற்றது. கரூர் மாவட்டம், தாந்தோணிமலை, நாயுடு மகாலில் விடுதலை சிறுத்தைகள் கட்சியின் கரூர் மாநகர மாவட்டம் சார்பில் சிறப்பு மாவட்ட செயற்குழு கூட்டம் கட்சியின் மாநகர் மாவட்ட செயலாளர் கராத்தே. இளங்கோவன் தலைமையில் நடைபெற்றது. இந்த ஆலோசனை கூட்டத்தில் தாந்தோணி நகர செயலாளர் சக்திவேல், மண்டல துணை செயலாளர்கள் வழக்கறிஞர் ராஜா, பெரியசாமி, சிறப்பு அழைப்பாளராக கரூர் மேலிட பொறுப்பாளர் வேலுச்சாமி என்கிற தமிழ் வேந்தன், மாநில செயற்குழு உறுப்பினர் அக்னி.இல. அகரமுத்து, பாராளுமன்ற தொகுதி செயலாளர் துரை செந்தில்,பொறியாளர் அணி மாநில துணை செயலாளர் செந்தில்குமார், வணிகர் அணி மாநில துணை செயலாளர் கண்மணி. ராமச்சந்திரன், முன்னாள் மாவட்ட செயலாளர் வழக்கறிஞர் ஜெயராமன் உள்ளிட்ட கட்சி நிர்வாகிகள் ஏராளமானோர் கலந்து கொண்டு, வருகிற ஆகஸ்ட் 17ஆம் தேதி கட்சியின் நிறுவன தலைவர் தொல். திருமாவளவன் பிறந்த நாளை தமிழர் எழுச்சி நாளாக கொண்டாடுவது குறித்தும், செப்டம்பர் 17 -ல் மது ஒழிப்பு மகளிர் மாநாடு குறித்தும், கரூர் நகர பொறுப்பாளர்கள் மறு சீரமைப்பு குறித்தும் ஆலோசனைகள் மேற்கொள்ளப்பட்டது.