கபிலர்மலை அருகே தார்சாலை அமைக்க பூமி பூஜை.

பரமத்தி வேலூர்,ஆக.12- நாமக்கல் மாவட்டம் பரமத்தி வேலூர் தாலுகா கபிலர்மலை ஊராட்சி ஒன்றியம் திடுமல் புதூரில் ரூ88.33 லட்சம் மதிப்பீட்டில் தமிழக முதலமைச்சரின் கிராம சாலைகள் மேம்பாட்டு திட்டத்தின் கீழ் திடுமல் புதூர் முதல் தி.நகப்பாளையம் வரை தார் சாலை அமைக்கும் பணிக்கான பூமி பூஜை நடைபெற்றது .பூமி பூஜை விழாவிற்கு சிறப்பு விருந்தினராக கபிலர்மலை வட்டார அட்மா தலைவரும், ஒன்றிய குழு உறுப்பினரும் , கபிலர் மலை ஒன்றிய திமுக செயலாளருமான சண்முகம் கலந்து கொண்டு ரூ88.33 லட்சம் மதிப்பீட்டில் தார் சாலை அமைக்கும் பணியை தொடங்கி வைத்தார் .நிகழ்ச்சியில் ஊராட்சி தலைவர்கள் ,ஊராட்சி துணைத் தலைவர்கள் ,ஊராட்சி மன்ற உறுப்பினர்கள், ஊராட்சி செயலார்கள், பொதுமக்கள், மாவட்ட, ஒன்றிய, கிளைக் கழகப் பொறுப்பாளர்கள் கலந்து கொண்டனர்.