கபிலர்மலை அரிமா சங்கம் புதிய நிர்வாகிகள் பதவி ஏற்பு.

பரமத்தி வேலூர்,ஆக.12- நாமக்கல் மாவட்டம் பரமத்தி வேலூர் தாலுகா கபிலர்மலை அரிமா சங்கத்தில் புதிய நிர்வாகிகள் பதவி ஏற்றுக் கொண்டனர். அதன்படி புதிய தலைவராக தளபதி சுப்பிரமணியம், செயலாளர்( நிர்வாகம் )சதாசிவம், செயலாளர் (சேவை) சண்முகம், பொருளாளர் தனசேகர் ஆகியோர் பதவி ஏற்று கொண்டனர். அதனைத் தொடர்ந்து கபிலர்மலை சுற்றுவட்டார பகுதிகளைச் சேர்ந்த பள்ளிகளில் நடந்து முடிந்த பொதுத் தேர்வில் அதிக மதிப்பெண்கள் பெற்ற 12 மாணவ, மாணவிகளுக்கு கல்வி உதவித் தொகையும் ,ஒருவருக்கு மருத்துவ உதவி தொகையும், 2 முதியோர் இல்லத்திற்கு உணவுப் பொருட்களும் வழங்கப்பட்டது. நிகழ்ச்சியில் சிறப்பு அழைப்பாளர்களாக முன்னாள் எம்எல்ஏவும், ஜேடர்பாளையம் ஆர்.கே.வி. பள்ளி தலைவருமான கே.எஸ். மூர்த்தி, கபிலர்மலை ஒன்றிய திமு கழக செயலாளர் சண்முகம் மற்றும் பலர் கலந்து கொண்டனர்.