ஆம்பூர் அருகே சாலையில் சென்று கொண்டிருந்த கார் திடீரென தீப்பற்றி எரிந்ததால் பரபரப்பு!

திருப்பத்தூர் மாவட்டம் ஆம்பூர் அருகே சாலையில் சென்று கொண்டிருந்த கார் திடீரென தீப்பற்றி எரிந்ததால் பரபரப்பு! அதிர்ஷ்டவசமாக உயிர்தப்பிய 3 பேர் காஞ்சிபுரம் மாவட்டத்தை சேர்ந்த சேகர் என்பவர் தனது நண்பர்கள் 2 பேருடன் மகாராஷ்டிரா மாநில பதிவு எண் கொண்ட காரில் சென்னையில் இருந்து பெங்களூர் நோக்கி சென்று இருந்தனர். அப்போது கார் திருப்பத்தூர் மாவட்டம். ஆம்பூர் அடுத்த தோட்டாளம் பகுதியில் உள்ள சென்னை - பெங்களூர் தேசிய நெடுஞ்சாலையில் சென்று கொண்டிருந்த போது, காரின் முன்பக்கத்திலிருந்து திடீரென புகைவந்ததால், அதிர்ச்சியடைந்த சேகர் மற்றும் அவரது நண்பர்கள் காரை சாலையோரம் நிறுத்திவிட்டு, காரில் இருந்து கீழே இறங்கியுள்ளனர். இதனை தொடர்ந்து கார் முழுவதும் தீப்பற்றி கொளுந்து விட்டு எரியத்தொடங்கியது, உடனடியாக இதுகுறித்து தகவலறிந்து சம்பவ இடத்திற்கு ஆம்பூர் தீயணைப்புதுறையினர் உடனடியாக சம்பவ இடத்திற்கு விரைந்த காரில் பற்றிய தீயை அணைத்தனர்.அதற்குள் கார் முழுவதும் எரிந்து நாசமாகின. மேலும் இவ்விபத்து குறித்து ஆம்பூர் கிராமிய போலீசார் வழக்குபதிவு செய்து விசாரணை மேற்க்கொண்டு வருகின்றனர். நெடுஞ்சாலையில் சென்று கொண்டிருந்த கார் திடீரென தீப்பற்றி எரிந்த நிகழ்வு அப்பகுதியில் பெரும் பரபரப்பை ஏற்படுத்தியது