பழைய வாகனங்களை உடைக்கும் கடையில் திடீர் தீ விபத்து பல லட்சம் பொருட்கள் சேதம்

விழுப்புரம் அருகே ஜானகிபுரத்தில் பழைய கார், வேன் உள்ளிட்டவற்றை வாங்கி வந்து உடைத்து அதன் பாகங்களை பிரித்து எடுக்கும் பழைய ஸ்கிராப் கடை இயங்கி வருகிறது.இந்தக் கடையில் நேற்று இரவு 9:00 மணிக்கு திடீரென தீ விபத்து ஏற்பட்டது.தகவலறிந்த விழுப்புரம் தீயணைப்பு உதவி மாவட்ட அலுவலர் ஜமுனா ராணி தலைமையில் தீயணைப்பு வீரர்கள் ஷாஜகான் பிரபு உள்ளிட்ட குழுவினர் விரைந்து சென்று, தீயை அணைத்தனர்.இந்த தீ விபத்தில் பழைய கார், அதன் உதிரிபாகங்கள் உள்ளிட்ட பல லட்சம் ரூபாய் மதிப்புள்ள பொருட்கள் சேதம் அடைந்தது.