விருத்தாசலம் ரோட்டரி சங்கம் சார்பில் போக்சோ சட்டம் குறித்த விழிப்புணர்வு கூட்டம்

விருத்தாசலம் ரோட்டரி சங்கம் சார்பில் அரசு பள்ளி மாணவர்களுக்கு போக்சோ சட்டம் குறித்த விழிப்புணர்வு கூட்டம் அரசுஆண்கள் மேல்நிலைப்பள்ளியில் நடைபெற்றது. விருத்தாசலம் ரோட்டரி சங்க தலைவர் ஆனந்தா லாட்ஜ் அசோக்குமார் தலைமை தாங்கினார். திட்ட தலைவர் ஆதிபாலி கிளினிக் நிர்வாக இயக்குனர் சம்பத் முன்னிலை வகித்தார். தலைமை ஆசிரியர் வினோத்குமார் வரவேற்றார். மங்கலம்பேட்டை சப் இன்ஸ்பெக்டர் பொட்டா கலந்துகொண்டு போக்சோ சட்டம், பாலியல் கல்வி குறித்து விழிப்புணர்வு ஏற்படுத்தினார். இதில் விருத்தாசலம் ரோட்டரி சங்க நிர்வாகிகள் ஜாகிர் உசேன், பிரகாஷ் ராஜா, லாவா குமார், முதுகலை ஆசிரியர் பாலசுப்பிரமணியன் மற்றும் ரோட்டரி சங்க நிர்வாகிகள் கலந்து கொண்டனர். முடிவில் ரோட்டரி சங்க செயலாளர் பேராசிரியர் பரமசிவம் நன்றி கூறினார்.