திருச்செங்கோடு விஸ்வகர்மா மகாஜன சங்கத்தின் மகாசபை கூட்டம்

திருச்செங்கோடு வட்டார விஸ்வகர்மா மகாஜன சங்கத்தின் 41 வது மகாசபை கூட்டம் மற்றும் புதிய நிர்வாகிகள் பதவியேற்பு விழா திருச்செங்கோடு விஸ்வகர்மா திருமண மண்டபத்தில் நடைபெற்றது.விழாவில் PRD நிறுவனங்களின் தலைவரும் விஸ்வகர்மா மகாஜன சங்கத்தின் காப்பாளர் குழு தலைவர் தங்கராஜ் ஆச்சாரியார் தலைமை வகித்தார் . சங்கத் தலைவர் வெள்ளியங்கிரி ஆச்சாரியார் சங்கத்தின் செயல்பாடுகள் குறித்து பேசினார்.பொருளாளர் வரதராஜன் ஆண்டறிக்கை வாசித்தார். PRD நிறுவனங்களின் மேலாண்மை இயக்குனர் பரந்தாமன்,காப்பாளர்கள் தண்டபாணி குமரவேல் சங்கத்தின் உப தலைவர் கருத்தண்ணன் இணைச் செயலாளர் பார்த்திபன் துணைச் செயலாளர் விஜயராஜ் முன்னிலை வகித்தனர். சிறப்பு விருந்தினர்களாக கோவை சுடல் டெக் நிறுவனர் பாலமுருகன் நாமக்கல் நம்பர் ஒன் இயக்கத்தின் நிறுவனர் முத்து ரட்சகன், எலச்சிபாளையம் ஸ்ரீ ராமச்சந்திரா கல்வி நிறுவனங்களின் தாளாளர் சந்திரசேகர்,கைவினை முன்னேற்ற கட்சி மாநில பொதுச் செயலாளர் கோவை பொன் கனகராஜ் கலந்து கொண்டு வாழ்த்தி பேசினார்கள். காப்பாளர் குழு தலைவர் தங்கராஜ் ஆச்சாரியார் அவர்களின் சமூக சேவைகள் மற்றும் சமுதாயப் பணிகளை பாராட்டி நம்பர் ஒன் இயக்கத்தின் சார்பில் செங்கோல் வழங்கி கௌரவிக்கப்பட்டது. மகாசபை கூட்டத்தில் கலந்து கொண்ட விஸ்வகர்மா சங்கத்தினர் அவருக்கு வாழ்த்து தெரிவித்தனர். பின்னர் புதிய நிர்வாகிகள் பதவியேற்பு விழா நடைபெற்றது