நாட்றம்பள்ளி அருகே மின்சாரம் தாக்கி வாலிபர் படுகாயம்!. போலீசார் விசாரணை.

திருப்பத்தூர் மாவட்டம் நாட்றம்பள்ளி அருகே மின்சாரம் தாக்கி வாலிபர் படுகாயம்!. போலீசார் விசாரணை. திருப்பத்தூர் மாவட்டம் நாட்றம்பள்ளி அடுத்த மல்லபள்ளி பணந்தோப்பு பகுதியைச் சேர்ந்த கிருஷ்ணன் மகன் ஸ்ரீதர் (24) என்பவர் விநாயகர் சிலை வைத்திருக்கும் இடத்தில் மின்சாரம் இல்லாமல் போனதால் அதனை சீர் செய்ய மின்மாற்றி (டிரான்ஸ்பார்மர்) மீது ஏறி சீர் செய்ய முயன்றுள்ளார். அப்போது எதிர்முனையில் இருந்த மின்சாரம் தாக்கி தூக்கி வீசப்பட்டுள்ளார் இதனை அறிந்த அப்பகுதி மக்கள் உடனடியாக ஶ்ரீதரை மீட்டு 108 ஆம்புலன்ஸ் மூலம் நாட்றம்பள்ளி அரசு மருத்துவமனையில் அனுமதித்துள்ளனர். முகம், கை, உடல் உள்ளிட்ட பல்வேறு இடங்களில் 50% தீக்காயம் ஏற்பட்டுள்ள நிலையில் அவருக்கு அங்கு முதலுதவி அளிக்கப்பட்டு பின்னர் மேல் சிகிச்சைக்காக கிருஷ்ணகிரி அரசு மருத்துவமனைக்கு அனுப்பி வைத்தனர். இந்த சம்பவம் குறித்து நாட்றம்பள்ளி போலீசார் மின்சாரம் எதனால் தாக்கியது எதற்காக இவர் அங்கு செல்ல வேண்டும் என்று விசாரணை நடத்தி வருகின்றனர். இதனால் அப்பகுதியில் பரபரப்பு ஏற்பட்டுள்ளது.