பெரியவடவாடியில் விருத்தாசலம் வடக்கு ஒன்றிய திமுக பொது உறுப்பினர்கள் கூட்டம்

கடலூர் மேற்கு மாவட்டம் விருத்தாசலம் வடக்கு ஒன்றிய திமுக சார்பில் ஒன்றிய பொது உறுப்பினர்கள் கூட்டம் விருத்தாசலம் அடுத்த பெரிய வடவாடியில் நடந்தது. ஒன்றிய அவைத் தலைவர் சிவசங்கரன் தலைமை தாங்கினார். ஒன்றிய செயலாளர் கனக கோவிந்தசாமி, முன்னாள் எம்எல்ஏ கலைச்செல்வன், மாவட்ட இலக்கிய அணி தலைவர் பட்டி கருணாநிதி, ஒன்றிய துணை செயலாளர்கள் கோவிந்தராசு, அன்பழகி ராஜேந்திரன், ஒன்றிய பொருளாளர் ஆர் ஜி சாமி ஆகியோர் முன்னிலை வகித்தனர். முன்னதாக ஒன்றிய துணை செயலாளர் தர்ம மணிவேல் வரவேற்றார். சிறப்பு அழைப்பாளராக கடலூர் மேற்கு மாவட்ட செயலாளரும் அமைச்சருமான சி.வெ கணேசன் கலந்துகொண்டு திமுக உறுப்பினர்களுக்கு ஆலோசனைகள் வழங்கினார். இதில் கம்மாபுரம் மேற்கு ஒன்றிய செயலாளர் கோட்டேரி சுரேஷ், மாவட்ட பிரதிநிதிகள் சிவக்குமார், பாலகிருஷ்ணன், மாவட்ட விவசாய அணி துணை அமைப்பாளர் வெங்கடேசன், ஒன்றிய கவுன்சிலர் பரமகுரு மற்றும் வீரபாண்டியன் உள்ளிட்ட ஒன்றிய நிர்வாகிகள், கிளைக் கழக செயலாளர்கள், திமுக உறுப்பினர்கள் பலர் கலந்து கொண்டனர்.