கொளஞ்சியப்பர் கோவில் உண்டியல் திறப்பு

விருத்தாசலம் அடுத்த மணவாளநல்லூர் கொளஞ்சியப்பர் கோவில் உண்டியல் திறந்து காணிக்கை எண்ணும் பணி நேற்று நடந்தது. உதவி ஆணையர் சந்திரன், செயல் அலுவலர் பழனியம்மாள், ஆய்வாளர் கோவிந்தசாமி ஆகியோர் முன்னிலையில், 8 நிரந்தர உண்டியல்கள் திறக்கப் பட்டது. இதில், 50க்கும் மேற்பட்டோர் காணிக்கை எண்ணும் பணியில் ஈடுபட்டனர். இதில் 22 லட்சத்து 28 ஆயிரத்தி 490 ரூபாய் ரொக்கம், 15 கிராம் 500 மில்லி தங்கம், 2.560 கிலோ வெள்ளி ஆகியவற்றை பக்தர்கள் காணிக்கையாக செலுத்தி இருந்தனர்.