காங்கேயம் அருகே பள்ளி மாணவர்களுக்கு கல்வி உபகரணங்கள்

காங்கேயம் அருகே உள்ள காடையூர் தி கேரட் சீடு என்ற ஆங்கிலப் பள்ளியின் சார்பில் பெரியஇல்லியம், அலப்பச்சாகவுண்டன் புதூர் ஆகிய ஊராட்சி ஒன்றிய உயர்நிலை மற்றும் தொடக்கப் பள்ளியைச் சேர்ந்த மாணவ, மாணவிகளுக்கு இலவச பேனா, பென்சில், நோட் புத்தகம் உள்ளிட்ட கல்வி உபகரணங்கள் வழங்கும் விழா நடைபெற்றது. பள்ளி தாளாளர் அருண் சங்கர் தலைமை தாங்கினார். முதல்வர் மரகதம் அருண் முன்னிலை வகித்தார். பள்ளி ஒருங்கிணைப்பாளர் அபிராமி வரவேற்றார். பொத்திபாளையம் ஊராட்சி தலைவர் சந்திரசேகர் சிறப்பு விருந்தினராக கலந்து கொண்டு மாணவ மாணவிகளுக்கு கல்வி உபகரணங்கள் வழங்கினார். பள்ளி தலைமை ஆசிரியர்கள் ஈஸ்வரி, ராஜாமணி ஆசிரிய- ஆசிரியைகள், மாணவர்கள் கலந்து கொண்டனர்.