டூவீலர் மீது அடையாளம் தெரியாத வாகனம் மோதியதில் தம்பதியர் படுகாயம்

நாமக்கல் மாவட்டம் குமாரபாளையம் அருகே பூலக்காடு பகுதியில் வசிப்பவர்கள் பாலகிருஷ்ணன், 45, சியாமளா, 41, தம்பதியர். ஜவுளித் தொழில். இவர்கள் அக். 30ல் மாலை 02:45 மணியளவில் பள்ளிபாளையம் சென்று விட்டு குமாரபாளையம் நோக்கி யமஹா லிப்ரோ டூவீலரில் வந்து கொண்டிருந்தனர். ரிலையன்ஸ் பள்ளி அருகே வந்த போது, அடையாளம் தெரியாத வாகனம் இவர்களின் வாகனம் மீது மோதிவிட்டு நிற்காமல் சென்றது. இதனால் இவர்கள்  இருவரும்  படுகாயமடைந்தனர். இவர்கள் சிகிச்சைக்காக கோவை தனியார் மருத்துவமனையில் சேர்க்கப்பட்டுள்ளனர். இது குறித்து குமாரபாளையம் போலீசில் பாலகிருஷ்ணன் புகார் செய்ய, குமாரபாளையம் போலீசார் விசாரணை செய்து வருகிறார்கள்.