திருவேங்கடம் அருகே நிழற்குடை மேற்கூரை சேதம்

தென்காசி மாவட்டம் சங்கரன்கோவில் அருகில் உள்ள திருவேங்கடம் தாலுகா உட்பட்ட சங்குப்பட்டி பஸ் ஸ்டாப்பில் நிழற்குடை ஒன்று அமைக்கப்பட்டுள்ளது. இப்பகுதியில் கடந்த சில நாட்களாக பெய்த பலத்த மழையின் காரணமாக இந்த நிழற்குடையின் மேற்கூரை பெயர்ந்து விழுந்தது. இதனால் கம்பிகள் வெளியே தெரியும் நிலையில் அதன் வழியாக மழைநீர் உள்ளே இறங்கி மேற்கூரை முழுவதும் இடிந்து விழும் நிலையில் மிகவும் அபாயகரமாக உள்ளது. உடனே சம்பந்தப்பட்ட அதிகாரிகள் வந்து பார்வையிட்டு நிழற்குடையை அப்புறப்படுத்தி மாற்று நிழற்குடை அமைத்து தர அப்பகுதி பொதுமக்கள் கோரிக்கை வைத்துள்ளனர்.