தெருநாய்கள் அட்டகாசத்தால் மாணவ மாணவியர் அச்சம்

நாமக்கல் மாவட்டம் பள்ளிபாளையம் ஆவரங்காடு பகுதியில், நகராட்சி துவக்கப்பள்ளி செயல்பட்டு வருகிறது . இங்கு 400-க்கும் மேற்பட்ட குழந்தைகள் ஒன்று முதல் ஐந்தாம் வகுப்பு வரை கல்வி பயின்று வரும் நிலையில் இந்த பகுதி முழுவதும் தெருநாய்கள் அட்டகாசம் கணிசமாக அதிகரித்துள்ளது. 15க்கும் மேற்பட்ட தெரு நாய்கள் ஒன்றாக சேர்ந்து கொண்டு பள்ளிவாசலில் கூட்டாக சேர்ந்து கொண்டு போவோர் வருபவரை அச்சுறுதி வருகிறது . மேலும் பள்ளியின் உள்ளே சென்றும் உலாவுவதால் பள்ளி வரும் மாணவ மாணவியர் குழந்தைகள் பள்ளி வருவதற்கு அச்சப்படுகின்றனர் . மேலும் அருகிலேயே இரண்டாயிரத்துக்கும் மேற்பட்ட பெண்கள் கல்வி பயிலும் மகளிர் பள்ளியும், இருப்பதால் இதுகுறித்து நகராட்சி நிர்வாகம் உரிய நடவடிக்கை எடுத்து, நாய்கள் எண்ணிக்கையை கட்டுப்படுத்த வேண்டும்.  மாணவ மாணவியரின் பாதுகாப்பை உறுதிப்படுத்த வேண்டும் என்பது சமூக ஆர்வலர்களின் கோரிக்கையாக உள்ளது...