விடியல் ஆரம்பம் சார்பில் குழந்தைகள் தினவிழா

நாமக்கல் மாவட்டம் குமாரபாளையத்தில் விடியல் ஆரம்பம் சார்பில் குழந்தைகள் தினவிழா கொண்டாடப்பட்டது. முதல் பாரத பிரதமர் பண்டித ஜவகர்லால் நேருவின்   பிறந்தநாள் விழா ஆண்டுதோறும் நவ. 14ல் குழந்தைகள் தினவிழாவாக கொண்டாடப்பட்டு வருகிறது. குழந்தைகள் தின விழா  விடியல் ஆரம்பம் சார்பில் அமைப்பாளர் பிரகாஷ் தலைமையில் குமாரபாளையத்தில்  நடந்தது. நேருவின் திருவுருவ படத்திற்கு மாலை அணிவித்து  மரியாதை செலுத்தப்பட்டது.  மாணவ மாணவிகளுக்கு  பேச்சுப் போட்டி, போதைக்கு அடிமையாக்க கூடாது எனும் தலைப்பில் விழிப்புணர்வு  ஒவியப்போட்டி, நடத்தப்பட்டு, அதில் வெற்றி பெற்றவர்களுக்கு  சான்றிதழ்கள் மற்றும் புத்தகங்கள் பரிசாக  வழங்கப்பட்டது. மாவட்ட கலெக்டர் அறிவுறுத்தல் படி, எவ்வித போதைக்கும் அடிமையாக மாட்டோம் என மாணவ மாணவிகள்  உறுதிமொழி எடுத்துக் கொண்டார்கள். இதில்  இல்லம் தேடி கல்வி  தன்னார்வலர்கள் ஜமுனா, ராணி, சித்ரா,  தீனா, உள்பட பலர் பங்கேற்றனர்.